АНУ-ын Ерөнхийлөгч Доналд Трамп өнгөрсөн баасан гарагт албан тушаалаасаа огцорч, Цагаан ордныг орхисон ахлах зөвлөх Стив Бэннонд талархал илэрхийлжээ. Хэт барууны, цагаан арьстныг дөвийлгөх үзэлтэй гэгддэг Стив өнгөрсөн жилийн арваннэгдүгээр сарын Ерөнхийлөгчийн сонгуульд Д.Трампын кампанитыг удирдан оролцож байсан юм.

Гэвч,  энэ сарын 12-нд гарсан үндсэрхэг үзэлт цагаан арьстнууд болон тэднийг эсэргүүцэгчдийн хооронд өрнөсөн мөргөлдөөнтэй холбоотойгоор өнөөгийн Ерөнхийлөгчийг чиглэсэн шүүмжлэл Цагаан ордонд тархах үед албан тушаалаа өгсөн билээ.

Тэгвэл Ерөнхийлөгч Д.Трамп твиттертээ “Стив Бэнноны оруулсан хувь нэмэрт талархах хэрэгтэй. Хиллари Клинтонтой өрсөлдсөн сонгуулийн үеэр миний кампанит ажилд хүчин зүтгэсэн. Баярлалаа” гэж жиргэжээ.