Ливийн нийслэл Триполи хотод зэвсэгт босогчдод хулгайлагдан ес хоногийн турш ор сураггүй алга болсон тус улсын экс Ерөнхий сайд  67 настай Али Зейдан эсэн мэнд гэртээ харьжээ.

Энэ талаар түүний найз нөхөд, гэр бүлийнхэн нь хэвлэлд мэдээлсэн байна. А.Зейданы найз Карам Халед “Зейдан энэ сарын 22-ны шөнө суллагдсан” гэж ярьсан байна. Одоогоор суллагдсан тухай процесс тодорхойгүй байгаа юм. Мөн түүний хүү эцэг нь гэртээ харьсны дараа гэмт этгээдүүд хэд хэдэн удаа утас руу нь  залгасан гэж ярьжээ.

Зейдан Зейдан “Хэзээ, яаж баригдсаныг нь мэдэхгүй. Гэхдээ хамгийн чухал нь эцэг маань эрүүл саруул байсан. Тэд шударга бусаар харьцаагүй нь л хамгийн гол нь” хэмээн мэдээлсэн байна.

А.Зейдан нь 2012 оны арваннэгдүгээр сард Ливийн Ерөнхий сайдаар томилогдсон ч, албаны мөнгө хувьдаа завшсан хэргээр 2014 оны гуравдугаар сард огцорчээ. Түүний дараа прокурорын улсаас гарахыг хориглосон шийдвэрийг үл тоон, Ливийг орхисон байдаг. Харин энэ сарын эхээр огцорсноосоо хойш анх удаагаа эх орондоо эргэн ирсэн ч, байрлаж байсан зочид буудлаас нь зэвсэгт босогчид хулгайлсан байна.