Хойд Солонгос өчигдөр өглөө зургаа дахь удаагаа цөмийн зэвсэг туршсан. Тэгвэл үүний хариу болгож Өмнөд Солонгосын арми өчигдөр орой баллистик пуужингийн туршилт хийжээ. Энэ талаар “Ёнхап” агентлаг мэдээлсэн байна.

Өмнөд Солонгосын цэргийн төв штаб  Хойд Солонгосын цөмийн зэвсгийн туршилтаа явуулдаг талбайд цохилт өгөх зорилгоор эл туршилтыг явуулжээ. Пуужинг Япон тэнгис дэх зорилтот бай руу харвасан бөгөөд яг байндаа туссан байна.

Туршилтын бай хүртэлх зай, Хойд Солонгосын зүүн хойд хэсгийн сургуулилтын талбай хүртэлх зай хоорондоо яг ижил төвшинд байжээ. Сөүл энэ удаа “Хюнму” гэх баллистик пуужин туршсан аж. Туршилтад F15K байлдааны онгоцыг мөн оролцуулсан байна.