Хошин урлагийн продакшны залуу жүжигчдийн дунд холио, солио хийдэг “мода” дэлгэрсэн гэхэд болно. Үүнийг нэг үе “Х түц” продакшнд харьяалагдаж, олны танил болсон жүжигчин Тэмүүжин, Алтаншагай, Батаа нар эхлүүлсэн гэхэд хилсдэхгүй биз.

Тэгвэл энэ холио, солионы асуудал “Шинэ үе” продакшныг ч тойрсонгүй. Тодруулбал, тус хамтлагийн жүжигчин Ундармаа хамтлагаасаа гарсан тухай яригдаж байсан ч тэрбээр эдүгээ “Х түц”-ийнхэнтэй хамтраад байгаа.

Гэтэл “Шинэ үе” продакшны жүжигчин Сөрөлт, Ганбаа нар ч үргэлжлүүлж, хошин урлагийн хамгийн отгон продакшн “Эмоци”-той гар нийлэн ажиллахаар болсон гэх мэдээлэл цацагдаад эхэллээ.

Жүжигчин Сөрөлт дуучин А.Түмэн-Өлзийтэй хамтран Бөхийн өргөөнд хоёр ч удаа тоглолтоо тавиад амжсан бөгөөд шаггүй дуучин гэдгээ ч харуулаад авсан. Харин  Ганбаагийн хувьд, хувийн амьдралаараа хэсэг  сенсааци тариад авсан удаатай. Ямартай ч залуу жүжигчид даль жигүүрээ дэлгэх цаг нь болсон гэж бодсон бололтой.