Доналд Трамп: Ким Жон Унтай бургер иднэ
АНУ-ын Ерөнхийлөгчийн сонгуульд Бүгд найрамдах намаас нэр дэвших нь тодорхой болоод буй үл хөдлөх хөрөнгийн тэрбумтан 70 настай Доналд Трамп дэлхийн хамгийн хаагдмал улсын удирдагчтай уулзах хүсэлтэй байгаа талаараа өмнө нь мэдэгдсэн байдаг. Тэгвэл Жоржиа мужид хийсэн уулзалтынхаа үеэр Трамп хэлсэн үгэндээ тайлбар хийсэн байна.
Тэрбээр “Би Хойд Солонгос явахгүй. Харин Ким Жон Ун Америкт ирвэл би хүлээж авахад бэлэн байна” хэмээн тайлбарласан байна. Түүнчлэн, “Гэхдээ энэ тохиолдолд албан ёсны тусгай оройн зоог барихгүй. Хурлын зориулалттай ширээний ард хачиртай талх л идчихнэ” хэмээн ярьжээ.
Түүний хэлсэн үг өмнө нь олон нийтийн дунд томоохон дуулианыг тарьж, үүнийг өөрт ашигтайгаар эргүүлэхийг хүссэн Ардчилсан намаас АНУ-ын Ерөнхийлөгчийн сонгуульд нэр дэвшигч Хиллари Клинтон ч шүүмжилсэн мэдэгдлийг хийсэн удаатай. Харин Трамп “Цөмийн зэсвэг ашиглахгүй байхад Ким Жон Уныг ятгах боломж 10, 20 хувь байна. Ярилцахад ямар нэг асуудал байгаа юм уу. Хиллари хөөрхий сонирхогч” хэмээж, өрсөлдөгчөө доош нь хийгээд амжсан байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
