Энэтхэгийн нийслэл Нью Дэли хотын цагдаагийн алба хаагчид өчигдөр Эмэгтэйчүүд хүүхдийн асуудал эрхэлсэн сайд асан Сандеп Кумарыг баривчилжээ.  Тэрбээр өмнө нь хоёр эмэгтэйг хүчиндэж буй бичлэг нь цацагдсантай холбоотойгоор сайдын албан тушаалаасаа огцорч байсан аж.

Тэгвэл тус  дуулиан тарьсан бичлэг дээрх бүсгүй цагдаад гомдол гаргаснаар Сандеп Кумарыг баривчилжээ. Хэргийн талаар сэтгүүлчдэд мэдээлсэн орон нутгийн цагдаагийн дарга Викрамжит Синг “Бичлэг дээрх бүсгүйчүүдийн нэг нь гомдол гаргасан учир Кумарыг баривчилсан.

Хохирогч эмэгтэй экс сайдад хүчиндүүлсэн гэж мэдэгдсэн. Тиймээс хуулийн дагуу мөрдөн байцаалтыг эхлүүлсэн байгаа” гэж ярьжээ. Мөн Кумар хэргээ нуун дарагдуулахын тулд бүсгүйд албан тушаал, их хэмжээний бэлэн мөнгө амласан нь тогтоогдсон байна.