МУИС-ИЙН ЗАХИРАЛ Б.ОЧИРХУЯГ: ЦАХИМ СУРГАЛТЫН ҮЕИЙН СУРГАЛТЫН ТӨЛБӨРИЙГ БУУРУУЛАХ БОЛОМЖГҮЙ

МУИС-ИЙН ОЮУТАН П.БОДЬСАЙХАН: ЦАХИМ СУРГАЛТЫН ТӨЛБӨРИЙГ ХӨНГӨЛЬЕ

МУИС-ийн захирал Б.Очирхуяг сургуулийнхаа цахим сургалтын чанар, хүртээмж нь багш, оюутнуудын дунд хийсэн судалгааны үр дүнгээр хангалттай сайн байгаа талаар 2021 оны 1 дүгээр сарын 14-ний өдөр мэдээлсэн билээ. Мөн цахим сургалтын үеийн сургалтын төлбөрийг бууруулах боломжгүй тухай хэлсэн юм.

Харин оюутнууд захирлынхаа уг мэдэгдэлтэй холбогдуулан цахим сүлжээгээр эсэргүүцэл илэрхийлж, цахим сургалтыг чанарыг сайжруулах, сургалтын төлбөрийг эргэн харж бууруулах шаардлагатай гэж мэдэгдэж байна. Тухайлбал: МУИС-ийн улс төр судлалын ангийн оюутан П.Бодьсайханы сургалтын төлбөрийг бууруулахыг хүссэн мэдэгдэл, түүний хариу болгож МУИС-ийн багш Д.Бумдарийн өгсөн мэдэгдэл цахим орчинд сүүлийн хоёр өдрийн гол ярианы сэдэв болов.