Улаанбаатар хотод өнөөдрөөс эхлэн үсчин, гоо сайхан, худалдааны төвийг нээж байна. Үүнтэй холбоотойгоор Эрүүл мэндийн яамнаас дараах зөвлөгөөг хүргэлээ." Улаанбаатар хот онцгой эрсдэлтэй бүс. Дөрвөн голомт идэвхтэй байгаа. Гол голомт нь байр, гэр бүл, хамт олны хүрээнд идэвхтэй байгаа учир цаашид өргөжих хандлагатай байна.

Иймд үсчин, гоо сайхны газрууд, үйлчилгээ эрхлэгчид анхаарал болгоомжтой байх хэрэгтэй. Үйлчлүүлэгчдэдээ заавал цаг олгож, бөөгнөрөл үүсгэхгүй байх шаардлагатай. Үсчин, гоо сайхны газрууд ашиглах талбай багатай байдаг тул бөөгнөрөл үүсвэл халдвар тарах эрсдэлтэй. Мөн үсчид хүнтэй ойрын зайнаас харьцдаг учир үйлчлүүлэгчдэдээ амны хаалтыг заавал зүүхийг шаардах, өөрөө амны хаалт зүүхээс гадна нүүрний хамгаалалт зүүх шаардлагатай. Түүнчлэн үсний үлдэгдлийг шүүрдэж болохгүй, соруулах ёстой бөгөөд хэрэглэж байгаа зүйлсээ сэгсэрч болохгүй" гэлээ.