NBA-ы.н талбайд 10 тоглолт боллоо. Бем Адебаяог гэмтэлд алдсан Миами Хит баг өнөөдөр талбайдаа Мемфис Гриззлис багтай энэ улирлын хоёр дахь тоглолтоо хийлээ. Эхний тоглолт Хит ялалт байгуулсан бол өнөөдрийн тоглолт эхний үеэс Гриззлис тэргүүлж эхэлсэн бөгөөд тэргүүллээ алдалгүй явсаар 105-90 харьцаагаар таван тоглолт дараалж ялалт байгууллаа. Улмаар 14 хожил, 10 хожигдолтой болж өрнөд бүсийн 4-р байрт дэвшсэн бол Хит 14 хожил, 11 хожигдолтой болж дорнод бүсийн 4-рт эрэмбэлэгдэж байна.

Тус тоглолтод Жа Морант гэмтлийн улмаас тоглоогүй бөгөөд Диллион Брүүкс 21 оноо, 8 дамжуулалтаар багаа тэргүүлсэн бол Десмонд Бен 21 оноо, 8 самбар, Стив Адамс 17 оноо, 16 самбар, Жарен Жаксон, Тяус Жонс нар 14оноог авчээ. Эсрэг багаас Жимми Батлер, Данкан Робинсон нар 20 оноо, Кайл Ловри 17 оноо, 8 дамжуулалт, сэлгээнээс Тайлер Херро 24 оноогоор багаа тэргүүлжээ.

Өнөөдөр болсон бусад тоглолтын үр дүн