Сагсан бөмбөгийн 3х3 төрлийн 23 хүртэлх насны Дэлхийн аварга шалгаруулах тэмцээн Рум улсын нийслэл Бухарест хотноо өнөөдөр нээлтээ хийж байна. Тус тэмцээнд монголын эрэгтэй, эмэгтэй багууд оролцож байгаа бөгөөд өнөөдөр багууд хоёр, хоёр тоглолт хийнэ.

Манай эмэгтэй шигшээ С хэсэгт Япон, АНУ, Доминикан, Узбекстаны багуудтай багтсан бөгөөд эхний тоглолтоо 18:30 цагт Японы багтай тоглох бол 20:20 цагт Доминикан улсын багтай тоглоно.

Харин эрэгтэй баг А хэсэгт БНХАУ, Словак, Латви, Чилийн багуудтай орж эхний тоглолтоо өнөөдөр БНХАУ-ын багтай 19:20 цагт тоглох бол дараагийн тоглолтоо Словакийнн шигшээ багтай 20:45 цагт тоглоно. Эрэгтэй шигшээ багт Б.Алтангэрэл, Ч.Ихбаяр, Х.Мөнхтөр, Л.Авирмэд нар тоглоно.