Зураг дээрх эмэгтэйг Иман Ахмад Абулати гэдэг.  Тэрбээр эдүгээ 36 настай бөгөөд биеийн жин нь аль хэдийнэ 500 кг болжээ. Энэ үзүүлэлтээр бүсгүй дэлхийн хамгийн тарган хүн хэмээн хэвлэлийнхнээр цоллуулж байна. 

Иман Ахмад Абулати Египет хүн бөгөөд сүүлийн 25 жилийн турш гэрээсээ нэг ч удаа гараагүйгээр барахгүй, өөрөө хоолоо идэж, нүүр, гараа ч угааж чаддаггүй гэнэ.  Тиймээс ч хагас тонн жинтэй эл бүсгүй эдүгээ дэлхий дээр амьд мэнд байгаа хамгийн тарган хүн болж буй ажээ.  Биеийн жингээсээ болоод босч ч чадахгүй бүсгүй бараг л орон дээрээ 20 гаруй жилийг өнгөрүүлсэн байна.

 Харин бүсгүйн ээж Чайма Абдулати охиндоо тусалж, өдөр бүр хооллон, хувцсыг нь сольж, угааж цэвэрлэдэг байна.  Иман Ахмад Абулати 11 нас хүртлээ хэвийн өсөлттэй хэдий ч, угийн л махлаг хүүхэд байжээ. Гэхдээ 11 насандаа тархиндаа цус харваснаас хойш хэвтэрт байх болсон байна.