Саудын Арабад нэгэн хосууд хуримын ёслолоо хийснээсээ хойш ердөө хоёрхон цагийн дараа салсан хачирхалтай явдал болжээ. Тэдний салалтын шалтгаан тун  хачин.  Бүх зүйл шинэхэн хүргэнээс болсон аж. Хүргэн хуримынхаа зураг болон шинэхэн гэргийнхээ зургийг эмэгтэй найзууддаа илгээснээс болоод бэрийн тал шууд л салах өргөдлөө өгсөн байна. 

Бэрийн ах Сауди Дайли Оказ гэгч “Дүү минь нөхөртэйгөө хуримаа хийхээсээ өмнө нэгэн тохиролцоонд хүрсэн байсан юм билээ. Тэр нь түүний зургийг Snapchat, инстаграмм, твиттер гэх мэт сошиал медиад постлохгүй байх юм. Үүнийгээ гэрлэлтийн гэрээнд тусгаж, заавал дагаж мөрдөх тохиролцоонд хүрсэн. Гэтэл хүргэн дүүг минь үл хүндэтгэн,  зургийг эмэгтэй найзууд руугаа снапчатаар илгээж жигшмээр зан гаргасан учир салах өргөдлөө өгсөн” гэж тайлбарлажээ.

Энэ оны эхээр мөн л ийм явдал болж байсан билээ. Саудын Арабын нэгэн эр хуримнаасаа хэдхэн цагийн дараа салж байсан гэдэг. Тэдний салалтын шалтгаан нь эхнэр нь зогсоо зайгүй найзууд руугаа мессэж бичсэнтэй холбоотой байсан юм.