АНУ-ын Си Эн Эн агентлагийн цахим хуудаснаа Монголчууд бидний өнөөгийн амьдралын эгэл дүр төрхийг тод томруунаар харуулсан зурагнууд нийтлэгджээ. Эдгээр зургийг Пол Кокс гэгч зурагчин гэрэл зургийн хальснаа буулгасан байна.

Зурагчин эрийн хувьд анх Монголд зураг авахад тун төвөгтэй байжээ. Жуулчид Монголд ирэхдээ ихэвчлэн хөдөө орон нутагийг зорьдог бол мань зурагчин харин хотод байж, хотын бодит амьдралыг гэрэл зурагт буулгахыг хүсчээ.

Гэхдээ Улаанбаатар хотын Чингэлтэй дүүрэгт очиж зураг дарах үед нь  камер нь түүнийг гадаад хүн болохыг мэдэгдүүлж байсан учир хүмүүс зураг даруулах тун дургүй байж гэнэ. Харин “Цолмон ирээдүй” гэх сангийн хүмүүстэй танилцсанаар тэрбээр монголчуудын ахуй амьдралыг бодитоор хальсандаа буулгах боломжтой болсон байна. Ингээд Пол Коксын зурагнаас уншигчиддаа сонирхуулъя.