АНУ ОХУ-ын хакерууд тус улсын Ерөнхийлөгчийн сонгуулийн үр дүнд нөлөөлсөн хэмээн үзэж, хориг арга хэмжээ авсан байдаг. Энэ хүрээнд Оросын 35 дипломат ажилтан нутаг буцаж, хоёр ч байгууллага хаалгаа барих болсон билээ. Тэгвэл өчигдөр уг жагсаалтад дахин гурван хүний нэрийг нэмж оруулжээ.

Тодруулбал, ОХУ-ын Холбооны аюулгүй байдлын товчооны экс ажилтан Александр Литвиненког хорлосон хэрэгт сэжиглэж буй Андрей Луговой, Дмитрий Ковтун нар  болон ОХУ-ын Мөрдөх байцаах хорооны дарга Александр Бастрыкин гэсэн гурван хүнийг жагсаалтдаа нэмжээ.  Уг шийдвэрийг Хууль зүйн яамнаас мэдэгдсэн байна. Гэхдээ яг хэзээ шийдвэр хэрэгжиж эхлэх нь тодорхойгүй байна.