БНСУ-ын Боловсрол, соёл, аялал жуулчлалын сайд Чо Ён Суныг албан тушаалаа урвуулан ашиглаж, найзыгаа улс төрийн үйл хэрэгт оролцуулсан гэх хэрэгт холбогдсон Ерөнхийлөгч Пак Гын Хег шүүмжилсэн соёлын салбарын 10 мянга орчим хүний нэр бүхий “Хар жагсаалт” гаргасан гэх үндэслэлээр баривчилжээ. Энэ талаар Ёнхап агентлаг мэдээлсэн байна.

Тэрбээр Пакыг шүүмжилсэн салбарын эрхмүүдийг хар жагсаалтад оруулан хяналтдаа авч, улмаар буцалтгүй тусламж, хувийн хэвшлийн хөрөнгө оруулалтыг хасах зорилготой байсан аж. Тиймээс Сөүлийн шүүх прокуроруудын хүсэлтийг хүлээн авч, албан тушаалаа урвуулан ашиглаж, худал мэдүүлэг өгсөн гэх хэрэгт сэжиглэн баривчлах тушаал гаргажээ. БНСУ-ын зарим хэвлэлд тус жагсаалтыг Пак Гын Хегийн зааврын дагуу гаргасан хэмээн мэдээлсэн байна.