Африкийн холбоо Африк тивд ашиглагдах “.africa” домэйн нэрийг нэвтрүүлжээ. Дэлхийд хамгийн анхны “.com” домэйн бүртгэгдсэнээс хойш 32 жилийн дараа хэрэглээнд нэвтэрч буй нь энэ.

Вэбсайтаа бүртгүүлэх хүсэлтэй африк хүмүүс цаашдаа  хэдэн сарын хугацаанд  “.africa” домэйн нэр ашиглах зөвшөөрөл авах боломжтой бөгөөд ирэх долдугаар сар гэхэд албан ёсоор  ашиглагдаж эхлэх ажээ.  Африкийн холбооны Африкийн комиссын дарга Нкосазана Дламини Зума “.africa” домэйнаар дамжуулан  тус тивийн хувь хүн, албан байгууллага дэлхийтэй холбогдоно гэдэгт итгэлтэй байгаагаа илэрхийлсэн байна.

 Нкосазана Дламини Зума энэ долоо хоногт албан тушаалаасаа буух бөгөөд Чадын Гадаад хэргийн сайд Мусса Факи Махамат түүнийг залгамжилна.