Бразильд тоглолтоо хийж буй Канадын дуучин Жастин Бибер түүхэн дурсгалын өвд зөвшөөрөлгүй халдсан хэргээр торгуульж, 20 мянган риал төлж магадгүй болжээ.

Хэрэг 2013 онд гарсан  байна. Дуучин залуу эртний зочид буудлын хананд зөвшөөрөлгүйгээр граффити зурсан аж.

Тухайн үед Жастин Бибер 19 настай байсан гэнэ. Рио де Жанейро хотын дарга түүнд граффити зурах барилга зааж өгсөн хэдий ч, аюулгүй байдлаа бодолцон зөвшөөрсөн хананд бус, “Нэшнл” гэх хуучны зочид буудлын хананд зурсан байна.

Гэвч Риогийн Прокурорын газраас уг хэргийг дахин  сэргээх хүсэлтийг шүүхэд гаргаад байгаа гэнэ. Улмаар Ж.Биберийг Риод ирэх үед нь  яллах дүгнэлт үйлдсэн гэдгээ мэдэгджээ. Прокурор түүнд торгуулийн мөнгө төлөхийн оронд “Хавдар судлалын үндэсний хүрээлэн”-д хоол хүнс хандивлахыг санал болгосон байна. Гэхдээ Жастин өмгөөлөгчөөрөө дамжуулан хүсэлтийг хүлээн авсан эсэхээ мэдэгдэх гэнэ.