Сар бүр автомашины татварыг улсын дугаараар ангилан авч буй. Энэ сард 4, 9-өөр төгссөн автамашины улсын дугаартай жолооч  нар автомашины татвараа төлөх юм байна.

Тодруулбал, автотээврийн болон өөрөө явагч хэрэгслийн албан татвар, агаар бохирдуулсны болон автозам ашигласны төлбөр хураалттай холбоотойгоор төлөх татвар аж.

Мөн автомашины татвар хураалттай холбогдуулан нийслэлийн нэг цэгийн үйлчилгээ “Мишээл” төвд явуулын оношлогоо, үзлэгийн төв ажиллаж байгаа юм байна. Энэхүү явуулын оношлогоо нь ирэх тавдугаар сарыг дуустал ажиллах бөгөөд жолоочид Улаанбаатар банкны салбарт мөнгөө тушаан татвараа төлөөд, автомашинаа оношлуулах боломжтой аж.

Түүнчлэн  Нийслэлийн үйлчилгээний нэгдсэн төв “Мишээл экспо”, “Драгон”, “Дүнжингарав” салбарууд болон дүүргүүдийн татварын хэлтэс, техникийн үзлэг хяналтын Баянгол, Баянзүрх, Сонгинохайрхан төвд харьяалал харгалзахгүйгээр татвараа төлөх боломжтой гэдгийг холбогдох албаныхан мэдээллээ.