АНУ-ын Флорида мужийн Орландо дахь хятад хороололд байрлах шөнийн клуб руу өчигдөр буутай этгээд халдаж 50 гаруй хүний аминд хүрчээ. Халдлага үйлдсэн этгээд ч гэсэн амиа алдсан гэдгийг цагдаагийн байгууллагаас мэдэгджээ.

Хэрэг орон нутгийн цагаар үүрийн 02.00 цагийн үед  “Pulse” гэх гэй хүмүүсийн үйлчлүүлдэг шөнийн клубт болсон байна. Жижиг автоматаар зэвсэглэсэн эр клуб руу орж ирүүтээ гал нээж эхэлсэн аж. Орландод өмнө нь ч гэсэн ийм хэрэг гарч байсан юм. Тодруулбал, энэ сарын 10-нд дуучин Кристина Гримме тоглолтынхоо тайзан дээр буудуулж нас барсан.

Гэвч үүнээс хоёр хоногийн дараа дахин ийм төрлийн гэмт хэрэг гарчээ. Нэгэн гэрч “Үүрийн 02.00 цагийн үед хэн нэгэн гал нээж эхэлсэн. Талбайд байсан хүмүүс үймэлдэж, шалан дээр хэвтсэн. Шил хагарч, унаж байсан болохоор гэмт хэрэгтэн дээвэр рүү буудсан юм болов уу хэмээн бодож байлаа” хэмээн ярьжээ.