Арабын нэгдсэн Эмират улсын нийслэл Дубай хотноо байрладаг дэлхийн хамгийн том олон улсын нисэх онгоцны буудал руу харьяалал тодорхойгүй бага оврын нисгэгчгүй онгоц хууль бусаар нэвтэрсэн хэрэг гарчээ.

Үүний улмаас зорчигч тээврийн онгоц буух зурвастаа бууж чадалгүй чиглэлээ өөрчлөх гэх зэргээр эмх замбараагүй байдал үүсч, нисэх онгоцны буудал нэг цаг гаруйн хугацаанд хаалгаа барихаас өөр аргагүй байдалд хүрсэн байна.  

Дубайн нисэх онгоцны буудлынхан албан ёсны твиттер хуудастаа “Зөвшөөрөлгүй Дрон онгоц нэвтэрсний улмаас 69 минутын хугацаанд үйл ажиллагаагаа зогсоосон.

Үүний улмаас олон тооны нислэг чиглэлээ өөрчилсөн” хэмээн мэдэгджээ. Нисэх онгоцны буудлын орчимд дрон онгоц ашиглахыг хориглосон байдаг аж. Хэрэв зөрчвөл их хэмжээний торгууль ногдуулдаг юм байна.