АНУ-ын Флорида мужийн Орландо дахь бэлгийн цөөнхийнхний үйлчлүүлдэг шөнийн клуб руу буутай этгээд халдаж 50 хүний аминд хүрсэн аймшигт хэрэг өнөөдөр үүрээр гарсан.

Тэгвэл цагдаа нарын суманд өртөж амиа алдсан этгээд халдлага үйлдэхээсээ өмнө 911 рүү залгаж, “Лалын улс” бүлэглэлд үнэнч байхаа тангарагласан хэмээн ярьсан нь тодорхой болжээ.

Энэ талаар Холбооны мөрдөх товчооноос мэдээлсэн байна.  Нөгөө талаар хэрэгтний аав ижил хүйстнүүдийг үзэн яддаг байсан нь гэмт хэрэг үйлдэх шалтгаан болсон гэж гэрчилсэн байна. Энэ удаагийн халдлагыг үйлдсэн 29 настай Омар Матен гэгчийг Холбооны мөрдөх товчоо 2014 оноос хойш тагнаж байжээ.  

Тухайн үед Сирид амиа золиослосон Флорида мужийн иргэнтэй холбоотой байж магадгүй хэмээн сэжиглэж байсан аж. Тэгвэл дээрх хэрэг гарсны дараа Лалын улс бүлэглэл уг халдлагыг үйлдсэн гэдгээ хүлээн зөвшөөрсөн төдийгүй Омар Матен гэгчийг тус бүлэглэлийн гишүүн байсан гэдгийг тодотгосон байна.  Тэрээр Пакистаны цагаач байжээ.