Тайландын нийслэл Бангкок хотод байрлах Үндэсний Театрын урд энэ сарын 15-ны өдрийн шөнө тэсрэх бөмбөг дэлбэрчээ.   

Цагдаагийнхан уг хэргийг шалгаж байна. Үндэсний театр нь тус улсын Хааны ордны ойролцоо байрладаг бөгөөд өнөөгийн хааныг эсэргүүцэх зорилго бүхий зохион байгуулалттай гэмт хэрэг байж магадгүй хэмээн таамаглаж байгаа юм байна.

Дэлбэрэлт оройн 20:30 цагийн үед болж, хоёр эмэгтэй өртөн хөнгөн гэмтжээ. Цагдаагийнхан эхэндээ тэсрэх бөмбөг биш хэмээж, иргэдийг айж сандрахгүй байхыг уриалж байсан бол удалгүй хэргийн газраас тэсрэх бөмбөгний цаг тохируулагч олджээ.