Авлигатай тэмцэх газар сар тутамд хийдэг хурлаа өнөөдөр хийж, цаг үеийн асуудлаар мэдээлэл сэтгүүлчдэд мэдээлэл өглөө. Тухайлбал, урьд шөнө "Эрдэнэт" үйлдвэрийн захирал асан Ч.Ганзоригийг баривчилсан билээ.

Энэ асуудалд Авлтгатай тэмцэх газрын холбогдох албан тушаалтан дараах хариулт өглөө. Тэрбээр “Жаст” группийн захирал асан Ш.Батхүү “Эрдэнэт” үйлдвэрээр баталгаа гаргуулан Өмнөд Африкийн Стандарт банкнаас их хэмжээний зээл авсан байдаг. Энэ хэрэгт холбогдуулан тухайн үеийн “Эрдэнэт” үйлдвэрийн удирдлагаар ажиллаж байсан захирал асан Ч.Ганзоригийг яллагдагчаар татсан байсан. Үүнтэй холбоотойгоор Ч.Ганзоригийг саатуулан шалгаж байна. Прокуророос өнөөдөр Ч.Ганзоригийг цагдан хорих санал тавьж, шүүхээр шийдүүлнэ. Энэ хэрэгт холбогдуулан таван хүнийг шалгаж байна. Тодруулбал, “Жаст” группийн захирал асан Ш.Батхүү, “Эрдэнэт” үйлдвэрийн захирал асан Ч.Ганзориг, н.Мөнхжаргал, Амарбат, Галбадрах нарын таван хүнийг шалгаж байна.