Зам тээврийн ослын улмаас бага насны зургаан хүүхэд хүнд, хөнгөн бэртжээ. Тухайлбал, Баянзүрх дүүргийн нутаг Улиастайн зам, 62-р цэцэрлэгийн урд замд H.Accent маркийн автомашины жолооч Г нь явган зорчигч  14 настай З, хоёр настай Г нарыг мөргөж гэмтээсэн байна.

Мөн Сүхбаатар дүүргийн нутаг Япон цэцэрлэгийн цогцолборын хойд замд амины N.Laurel маркийн О жолоочтой автомашин онхолдож таван настай Е, гурван настай М нарын хоёр хүүхэд гэмтсэн аж. Тиймээс Улаанбаатар хотын Замын цагдаагийн газраас бага насны хүүхдийг ганцааранг нь замын хөдөлгөөнд оролцуулахгүй байхыг анхаарууллаа.