Эцэг, эхийн хараа хяналтгүй байдлаас болж бага насны хүүхэд түлэгдэж, улмаар амь насаа алдах харамсалтай тохиолдол гарсаар байна. 

Тухайлбал, өчигдөр ”ГССҮТөвд Булган аймгаас түлэгдсэн хүүхэд ирж хэвтлээ” гэсэн мэдээллийг 08-р сарын 25-нд авч шалгахад, Булган аймаг Баяннуур сумын харьяат найман сартай эмэгтэй Н нь гэртээ халуун тогоотой мах татаж асган, цээж, бүсэлхий хэсгээр түлэгдэж, тус төвийн Түлэнхийн тасагт хэвтэн эмчлэгдэж байгаа аж. энэ мэтчилэн бага насны хүүхэд түлэгдэж гэмтэх, амиа алдах тохиолдол их гарах болсон гэдгийг Цагдаагийн газраас анхаарууллаа.