Аваргуудын лигийн В хэсгийн хоёр тоглолт өнгөрсөн шөнө боллоо. Энэ хэсэгт багтсан Италийн “Наполи” клуб эхний тойрогт “Динамо Киев” клубын талбайд зочилж, 1:2-оор буулгаж авснаар 3 оноотой гэртээ харилаа. Тоглолтын 26 дахь минутад талбайн эздээс Гармаш гоолдсон. Харин 36, 45 дахь минутад Милик хоёрыг оруулж, “Наполи”-д хожил авчирсан юм.

Энэ хэсгийн нөгөө тоглолт Португалд болсон. “Бенфика” клуб талбайдаа Туркийн “Бешикташ” клубыг хүлээж авч, 1:1-ээр тэнцсэнээр оноо хуваалаа. Талбайн эздээс 12 дахь минутад Серви тооны харьцааг нээсэн бол 90 дэх минутад Талиска хариуг нь барьж, багаа хожигдлоос аварчээ.