Аваргуудын лигийн D хэсгийг Германы “Байерн” болон Испанийн “Атлетико” клубүүд тэргүүлнэ хэмээн хөлбөмбөг сонирхогчид таамаглаж байгаа. Тэгвэл эхний тойрогт энэ хоёр баг тус бүрийн учраагаа хожиж, гурван оноо халаасаллаа.

Германы “Байерн Мюнхэн” клуб талбайдаа Оросын “Ростов” хэмээх даруухан багийг хүлээж авч, 5:0-ээр шүүрдлээ. Тоглолтын 28 дахь минутад Левандовски торгуулын цохилтоос тооны харьцааг нээсэн. Улмаар Мюллер 45 дахь минутад нэгийг нэмэв. Хоёрдугаар үед Германы багийн залуухан хагас хамгаалагч Жошуа Киммих 53, 60 адхь минутад хоёр гоол оруулж, хөгжөөн дэмжигчдийг байлдан дагууллаа. Тэгвэл тоглолтын эцсийн цэгийг 90 дэх минутад Бернат хатгажээ.

Нөгөө талд Испанийн “Атлетико” клуб Голландын “ПСВ” клубын талбайд зочилж, 0:1-ээр буулгаж авлаа. Тоглолтын хувь заяаг шийдсэн цорын ганц гоолыг 43 дахь минутад Сауль оруулжээ.