Монголын Үндэсний Шигшээ баг 23 тоглогч, долоон албаны хүний бүрэлдэхүүнтэй хилийн дээс алхсан.

Шигшээ багийн хувьд ирэх ОУХБХ-ны өдрүүдэд албан ёсны хоёр нөхөрсөг тоглолтыг хийх юм. Өнөөдөр Лаосын шигшээ багийн талбайд зочлон тоглох бол 29-нд Бангладеш Улсад ээлжит тоглолтоо хийх юм.

Тус хоёр багаас Лаосын шигшээ багтай хамгийн сүүлд учраа тааран тоглоход 4:1-ийн харьцаатай манай залуус талбайд нь буулган авч байсан юм. Тухайн тоглолтод гоолдож байсан Ц.Мөнх-Эрдэнэ, А.Нармандах болон Н.Наранболд нар энэ удаагийн шигшээ багийн бүрэлдэхүүнд багтжээ.

Дашрамд дуулгахад Лаосын шигшээ багийн ахлах дасгалжуулагчаар Герман мэргэжилтэн Майкл Вайсс ажиллаж байгаа юм.