Өнөөдөр цэцэрлэгийн хүүхдийн хоолны зардал 2400 төгрөг. Тэгсэн мөртлөө цэцэрлэгт явж байгаа хүүхдүүд өдөртөө авах ёстой илчлэг, шим тэжээл авч чадаж байна уу гэхээр чадахгүй байгаа. Ер нь цэцэрлэгийн хоолны үнийг эцэг эхчүүдтэй зардлаа хуваалцах шийдэл рүү орохгүй бол төр 100 хувь нуруун дээрээ авч явна гэдэг бол хүндрэлтэй. 2013 он хүртэл эцэг эхчүүдээс цэцэрлэгийн хүүхдийн хоолны зардлын 50 хувийг авч байсан. Улстөрийн зорилгоор ямар ч тооцоо, судалгаагүй шийдвэр гаргачихсан.

Тэгсэн мөртлөө төрөөс өгч байгаа мөнгө нь аманд ч үгүй, хамарт ч үгүй, хүүхдийнхээ авах ёстой илчлэгт хүрдэггүй тогтолцоонд шилжүүлчэхсэн. Тиймээс бид эцэг, эхчүүдээс цэцэрлэгийн хүүхдийн хоолны мөнгийг өмнө нь хуваагаад явж байсан хуучин тогтолцоогоор шийдэх шаардлага үүссэн байна. Мэдээж орлого багатай, зорилтот бүлгийн өрхийн хүүхдүүдийг төр анхааралдаа аваад явах нь зүйтэй. Дээр нь 1-5 дугаар ангийн хүүхдүүдийн үдийн хоолны зардал, дотуур байрын хүүхдүүдийн хоолны хувьсах зардлын асуудлыг үнийн өсөлт, инфляцид чиглэсэн бодлоготойгоо уялдуулж арга хэмжээ аваад явна.