NBA-ын өрнөд бүсийн аваргын төлөөх цувралын эхний тоглолт өнөөдөр боллоо. Голдэн Стэйт Уорриорс талбайдаа Даллас Мавирекс багтай тоглолоо. Тоглолтын эхнээс Уорриорс тэргүүлж эхэлсэн бөгөөд дөрвөн үеийн турш тэргүүллээ алдалгүй явсаар 87-112 харьцаагаар хожлоо. Улмаар цувралыг 0-1 харьцаагаар тэргүүлж эхэллээ. 

Цувралын хоёр дахь тоглолт Уорриорсын талбайд тавдугаар сарын 21-ны өглөө болно.

Тус тоглолтод Стифэн Көрри 21 оноо, 12 самбараас бөмбөг авч багаа тэргүүлсэн бол Эндрью Уйггинс 19 оноо, сэлгээнээс Жордан Пүүл 19 оноог авчээ. Эсрэг багаас Лука Дончич 20 оноогоор багаа тэргүүлсэн бол сэлгээнээс Динвидди 17 оноог авчээ.