gazeta.ru. Аравдугаар сарын 21. Нүүрсний экспортын томоохон хулгайн гэмт хэргийн талаарх мэдээллээс үүдсэн олон нийтийг хамарсан эсэргүүцлийн жагсаал өрнөж байгаа энэ үед Монголын эрх баригчид томоохон шинэчлэл хийхгүй бол болохгүй нь гэсэн дохио хүлээн авлаа гэж РИА Новости агентлаг мэдээллээ. Тус улсын Сангийн дэд сайд асан Чулууны Ганхуяг “Эрх баригчид Өөрчлөлт хийхгүй байгаа нь тогтворгүй байдалд хүргэж болзошгүй” гэв. “Томоохон шинэчлэл хийх хэрэгтэй юм байна гэсэн тодорхой дохио Ерөнхийлөгч, УИХ, Засгийн газарт ирлээ. Эрх баригчид анхааралдаа авч өөрсдөө стандартаа биелүүлэхгүй бол ард түмний уур бухимдал нийгэмд асар их тогтворгүй байдал үүсгэж, улс орны хувьд томоохон эрсдэл дагуулж болзошгүй” гэж Монгол Улсын Сангийн дэд сайд асан тайлбарлажээ. Ч.Ганхуягийн хэлснээр бол тэр нөхцөл байдлыг эерэг талаас нь харж, эцсийн дүндээ Монгол Улс урт хугацаанд эерэг өөрчлөлтүүдийг хүлээж авна гэнэ. Нүүрсний хулгайн хэргээр Монгол Улсын Ерөнхий сайдаар ажиллаж байсан гурван ч хүнийг байцаалтад дуудсан тухай өмнө нь мэдээлж байсан юм.