Америкийн кино академийн 95 дахь удаагийн шагнал гардуулах ёслолын ажиллагаа Лос-Анжелес хотноо боллоо.

Оскарын наадмын шилдэг эрэгтэй гол дүрийн шагналыг “The Whale” кинонд англи хэлний махлаг багшийн дүрийг бүтээсэн Брэндан Фрейзер хүртлээ.

Харин шилдэг эмэгтэй гол дүрийн шагналыг жүжигчин Мишель Иео “Everything Everywhere All at Once” киногоороо хүртлээ.  Брэндан Фрейзер, Мишель Иео нарын хувьд Оскарын анхны шагнал нь болж байна. Оскарын шилдэг киногоор  “Everything Everywhere All at Once” тодорлоо.

Энэ жилийн наадамд хамгийн их буюу 11 төрөлд нэр дэвшсэн тус кино ийнхүү шилдэг кино, шилдэг найруулагч, шилдэг эрэгтэй, эмэгтэй туслах дүр, шилдэг эх зохиол, шилдэг эвлүүлэг зэрэг төрлүүдэд шилдгээр шалгараад байна.