Мексикийн нисдэг таваг, харь гаргийн хүн судлаач Хайме Мауссан парламентын Төлөөлөгчдйин танхимд өөрийн хэлж байгаагаар бол харь гаргийн хүнийх байж болох хоёр муми үзүүллээ гэж Infobae сонин мэдээллээ.

Хэвлэлд бичсэнээр бол эдгээр олдворыг Перугийн Наска хотын очмоос олж илрүүлсэн гэнэ. Энэ нь жижигхэн бие, том толгойтой, гартаа гурван хуруутай, шүдгүй, ясархаг атлаа хөнгөн биет юм байна. 

Харь гараг судлаачийн хэлснээр бол тэдний хурууны хээ нь хүнийх шиг бөөрөнхий биш, шулуун хэвтээ шугамууд гэнэ. 

“Эдгээр нь манай дэлхийн хувьслын нэг хэсэг биш, хүнээс гаралтай зүйл биш” гэж Мауссан хэлснийг сонин иш татсан байна. “Мексикийн Үндэсний Автономит Их Сургуулийн явуулсан радио нүүрстөрөгчийн шинжилгээ нь тэднийг мянган жилийн настай гэдгийг харуулж байна. Үлдэгдэлд хийсэн шинжилгээгээр илрүүлсэн амьтдын ДНК-ийн шинжилгээгээр энэ бүхэн хүний удамшлын материалаас 30 хувиар ялгаатай болохыг тодруулсан” гэж тэр онцолжээ. 

Өмнө нь АНУ-ын тагнуулын албаны ажилтан асан Дэвид Граш АНУ-ын Төлөөлөгчдийн танхимын Хяналт, хариуцлагын хорооны сонсголын үеэр АНУ олон арван жилийн турш Үл мэдэгдэх нисдэг биетүүдийг илрүүлэх, судлах хөтөлбөрөө нуун дарагдуулж ирсэн гэж мэдэгджээ. Түүний хэлснээр бол Вашингтон “харь гарагийн” үйл ажиллагаа байдгийг 1930-аад оноос хойш мэддэг байсан  гэнэ.  Грашыг үл мэдэгдэх нисдэг биет судлах хөтөлбөрт хамрагдахыг хориглосон гэдгээ хүлээн зөвшөөрсөн боловч “хүний бус” гаралтай нисдэг биет байгааг мэддэг албаны хүмүүстэй харилцаатай байгаа гэнэ. 

Үл мэдэгдэх нисдэг биетүүдийн талаар Америкийн тагнуулын албанд ирж буй мэдээллүүдийн тоо нэмэгдэж байгааг оны эхээр тэмдэглээд, аюулгүй байдлын үүднээс нарийвчилсан дүн шинжилгээ хийх нь чухал болохыг Граш онцолжээ.