ЭМЯ-наас өнөөдөр цаг үеийн асуудлаар мэдээлэл хийлээ. Энэ үеэр ЭМЯ-ны Халдварт бус өвчний хэлтсийн дарга Г.Ганхуяг мэдээлэл өглөө. Тэрбээр "Залуучууд эрт илрүүлэгт бага хамрагдаж байна. Үзлэгт орсон залуучуудын өвчлөл өндөр байна. Эрт илрүүлэгт хамрагдсан хүмүүс дотор 964 мянган хүн ямар нэг байдлаар өвчилсөн гэх давхардсан тоо гарсан. Хоол боловсруулах эрхтэн тогтолцооны өвчин тэдгээрийн 57.8 хувьд байна. Дотоод шүүрэл, бодисын солилцооны өвчин элбэг бана. Залуучуудын дунд шээс, бэлгийн тогтолцооны өвчлөл их бүртгэгдсэн. Мөн бэлгийн замын өвчлөл их байна. Бэлгэвч хэрэглэх тал дээр учир дутагдалтай байна. Эдгээрийн улмаас энэ өвчлөл гарч ирээд байна" гэлээ.