Метаг компанийн Фэйсбүүк болон Инстеграм зэрэг программууд өнгөрсөн шөнө буюу гуравдугаар сарын 5-ны шөнийн 11:15 цагтаас эхлэн хоёр цаг гаруй  техникийн асуудалтай тулгарсан бөгөөд олон зуун мянган хэрэглэгчид сошиал медиа үйлчилгээнд хандахдаа алдаа гаргажээ.

Тухайн үед хэрэглэгчид Фэйсбүүкээс шууд гарж байсан бөгөөд дахин нэвтрэхийг оролдох үед "Ямар нэг алдаа гарлаа. Дахин оролдоно уу." гэж байсан юм. Харин Инстеграм хэрэглэгчид өөрсдийн эрхээр нэвтэрч байсан бол тухайн платформ дээр юу ч нийтлэх боломжгүй байжээ.

Үүний талаар Мета компанийн хэвлэлийн төлөөлөгч Энди Стоун Техникийн асуудлаас болж хүмүүс манай зарим үйлчилгээнд нэвтрэхэд хүндрэл учруулсан уучлал хүсч, тус компани асуудлыг аль болох хурдан шийдсэн гэж мэдэгдэв.

Харин хуучнаар твитер буюу X компанийг эзэмшдэг мега тэрбумтан, технологийн магнат Элон Маск олон нийтийн сүлжээний томоохон өрсөлдөгчөө тасалдуулах боломжийг ашигласан. Тэрбээр "Хэрэв та энэ нийтлэлийг уншиж байгаа бол манай серверүүд ажиллаж байгаа учраас тэр" гэж жиргэжээ.

Фэйсбүүк нь өмнө нь 2021 оны аравдугаар сард зургаан цаг орчим ажиллахаа больсон билээ. Тухайн үед компанийн захирал "тохиргооны алдаа" гэж тайлбарлаж байжээ.