Долдугаар сарын 18-наас Төв цэнгэлдэх хүрээлэнг 06:00-23:00 цагийн хооронд иргэдэд нээлттэй байхаар шийдвэрлэжээ. Тодруулбал,  хүрээлэнгийн 16 дугаар хаалгыг нээх бөгөөд үнэ төлбөр авахгүй. “Төв цэнгэлдэх хүрээлэн” ХХК-ийн гүйцэтгэх захирал Ж.Энхжаргалан "Иргэд наймдугаар сарын 1-нийг дуустал Төв цэнгэлдэх хүрээлэн дотор орж биеийн тамир хийх боломжийг бүрдүүлж байгаа юм" гэв. Харин хүрээлэнд хог тарихгүй, цэвэрхэн үйлчлүүлэхийг анхааруулжээ. Энэ жил цэнгэлдэхэд шинээр есөн ариун цэврийн байгууламжийг ашиглалтад оруулжээ.