"GAM3RS_X" болон "GRID"-ээс зохиож буй "Thunderpick World Championship 2024" тэмцээн болж байна. Тус тэмцээний шагналын сан 850 мянган ам.доллар бөгөөд Монголоос урилгаар "The MongolZ" баг тоглож байна.

Шөвгийн дөрвөн багийн дотоод сүлжээний тэмцээн Герман улсын Берлин хотын "LVL Dome Arena" цэнгэлдэхэд болж байгаа бөгөөд өнгөрсөн шөнө 00:30 цагт 500 мянган ам.долларын төлөө Норвегийн "Herioc" багтай тоглож 3-1 (Dust II 13-8, Ancient 6-13, Anubis 13-11, Mirage 13-2) харьцаагаар хожиж аваргаллаа.

Ийнхүү Баянбатын "maaRaa" Эрдэнэдалай дасгалжуулагчтай монгол залуус олон улсын "А" зэрэглэлийн тэмцээний хоёр дахь цомоо ийнхүү өргөлөө.

Тэд энэ зун "YaLLa Compass 2024" тэмцээнд түрүүлж 200 мянган ам.долларыг аваад байсан нь авч байсан хамгийн том шагнал нь байв.

Манай баг В хэсэгт багтсан бол хэсгийн шатны эхний тоглолтоо өнгөрсөн шөнө Оросын "Cloud9" багийг 2-0 (Dust II 13-11, Ancient 13-11) харьцаагаар хожиж, дараа нь Британийн "Fnatic" багийг 2-0 (Mirage 13-11, Dust II 13-7) харьцаагаар хожиж хэсгээ тэргүүлэхээр болж хасагдах шатны эхний тоглолтоо Францын 3DMAX багийн эсрэг тоглож 2-0 (anubis 13-6, ancient 13-9) харьцаагаар манай баг хожиж аваргын төлөө шалгарч үлдсэн билээ.

Манай багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Бямбасүрэнгийн Гарьдмагнай /bLitz/, Мөнхболдын Содбаяр /Techno4K/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглож байна.