Нийслэлийн эрүүл мэндийн газраас ханиад, томууны дэгдэлттэй холбоотой мэдээлэл хийлээ. 

Нийслэлийн хэмжээнд томуу, томуу төст өвчний тархалт 49 дэх долоо хоногийн байдлаар алаг цоог дэгдэлтийн түвшинд байна. Амбулаторийн 110 мянган үзлэг хийгдсэнээс 9788 тохиолдол нь томуу, томуу төст өвчнийх байна. Энэ нь өнгөрсөн долоо хоногийнхоос хоёр хувиар өссөн үзүүлэлт аж. Нийслэлийн харъяа эрүүл мэндийн байгууллагад одоогоор 1936 ор дэлгэн ажиллаж байна. Амралтын өдрүүдэд нэгдсэн эмнэлгийн хүлээн авах, яаралтай тусламжийн тасгаар нийт 3311 хүүхэд үзүүлсэн нь өмнөх долоо хоногийнхоос 43 хувиар нэмэгдсэн үзүүлэлт юм.

ХӨСҮТ-ийн вирус судлалын лаборатид хийгдсэн 223 сорьцонд

• томуугийн А дэд хэв шинжийн H1N1 вирус 16.9 хувь
• амьсгалын замын синциталь вирус 67.6 хувийг
• SarS Ковид вирус 15.5 хувийг эзэлж байна. 

Амбулаториор үйлчлүүлж байгаа нийт үйлчлүүлэгчдийн 80.5 хувийг 15 хүртэлх насны хүүхдүүд эзэлж байна. Үүнээс 40 гаруй хувийг тав хүртэлх насныхан эзэлж байна.