NBA-ын талбайд долоон тоглолт боллоо. Өнөөдрийн оргил тоглолт Голдэн Стэйт Уорриорс талбайдаа Даллас Мавирекс багтай энэ улирлын хоёр дахь тоглолтоо хийлээ. Өмнөх тоглолт сарын өмнө болж Уорриорс хожоод байсан юм. 

Харин өнөөдрийн тоглолтод эхний үеэс Мавирекс илүү тоглосон бөгөөд эхний хагас дуусахад таван оноогоор тэргүүлж дуусгасан юм. Уорроиорс сүүлийн хагасын төгсгөлд онооны зөрүү тав болгож ойртуулж чадсан ч Мавирекс хариуг барьснаар 143-133 харьцаагаар ялалт байгуулж чадлаа. Улмаар улирлын 17 хожил, 9 хожигдолтой болж өрнөд бүсийн дөрөвт бичигдэж байгаа бол Уорриорс хожигдсоноор 14 хожил, 11 хожигдолтой болж өрнөд бүсийн наймд эрэмбэлэгдэж байна.

Тус тоглолтод Лука Дончич 45 оноо, 11 самбар, 13 дамжуулалт, 3 таслалт, 2 хаалтаар багаа тэргүүлсэн бол Клэй Томпсон хуучин багийнхаа эсрэг 29 оноо, 5 самбар, 4 дамжуулалт, 2 таслалт, Кайри Ирвинг 21 оноо, 8 дамжуулалт гүйцэтгэжээ. Эсрэг багаас Эндрью Вигинс 29 оноогоор багаа тэргүүлсэн бол Стифэн Көрри 26 оноо, 5 самбар, 10 дамжуулалт, Жонатан Куминга 20 оноог авсан байна.

Мөн хоёр баг нийлээд 48 холын шидэлт амжилттай болгож NBA-ын холын зайн шидэлтыг шинэчлэн тогтоосон байна.

Өнөөдөр болсон бусад тоглолтын үр дүн

Нью-Орлэйн Паликанс 104-119 Индиана Пэйсэрс
Бостон Селтикс 112-98 Вашингтон Визардс
Нью-Иорк Никс 100-91 Орлондо Межик
Минносато Тимбэрволвис 106-92 Сан Антонио Спөрс
Портлэнд Трэйл Блэйзэрс 109-116 Финикс Санс
Даллас Мавирекс 143-133 Голдэн Стэйт Уорриорс
Мемфис Гриззлис 106-110 Лос Анжелес Лейкерс