NBA-ын талбайд өнөөдөр гурван тоглолт боллоо. Өнөөдрийн сүүлийн тоглолт Нью-Орлэйн Паликанс талбайдаа Денвер Наггетс багтай тоглож нэмэлт цагт Наггетсын ялалтаар дууслаа. Тоглолтын эхний гурван үе талбайн эзэд гайхалтай байж 12 оноогоор илүү дуусгаж чадсан ч тоглолтын төгсгөлийг тааруухан хийснээр 119-119 харьцаагаар тэнцэж дуусгаж улмаар нэмэлт цагт Наггетс илүүрхэж тоглсоноор 132-129 харьцаагаар хожлоо. 

Улмаар улирлыг 15 хожил, 11 хожигдолтой болж өрнөд бүсийн тавдугаар байрт дэвшсэн бол Паликанс таван хожил, 25 хожигдолтой болж өрнөд бүсийн сүүлийг мушгиж байна.

Тус тоглолтод Никола Иокич 27 оноо, 13 самбар, 10 дамжуулалтаар багаа тэргүүлж трипл дабл гүйцэтгэсэн бол Жамал Муррэй 27 оноо, 8 самбар, 3 таслалт, Аарон Гордон 17 оноо, 8 самбар, сэлгээнээс Рассел Уэстбрүүк 21 оноо, 5 самбар, 5 дамжуулалт, 3 таслалтыг гүйцэтгэсэн байна. Эсрэг багаас СиЖи Макколлум 24 оноо, 6 самбар, 9 дамжуулалт, 6 таслалтаар багаа тэргүүлсэн бол Явис Мисси 21 оноо, 9 самбар, 2 таслалт, 3 хаалт, Трэй Мурфи 21 оноо, 8 самбар, сэлгээнээс Жордан Хавкс 25 оноо, 3 хаалтыг гүйцэтгэсэн байна. 

Өнөөдөр болсон бусад тоглолтын үр дүн

Хьюстон Рокетс 114-110 Торонто Репторс
Индиана Пэйсэрс 122-95 Сакермэнто Кингс
Денвер Наггетс 132-129 Нью-Орлэйн Паликанс /нэмэлт цагт/