БНСУ-ын мөрдөгчид бүрэн эрхийг нь түдгэлзүүлээд буй Ерөнхийлөгч Юн Сок Ёлийг өргөөнөөс нь баривчилж, цэргийн дэглэмт онц байдал тогтоосон хэрэгт холбогдуулан байцаалт авахаар авч явлаа. Тус улсын Авлигатай тэмцэх газрын мэдээлснээр Юныг баривчлах тушаалыг 10.33 цагт гүйцэтгэсэн байна.  

Юн Сок Ёл нь 2024 оны арванхоёрдугаар сарын 03-ны өдөр улс орондоо цэргийн эргэлт хийхээр оролдсон юм.

Тус улс хуучин Ерөнхийлөгчдөө яллаж, шоронд хорьж байсан түүхтэй ч огцроогүй байхад нь баривчилж байгаагүй аж. Лхагва гарагийн үүрээр түүнийг баривчлахаар 3000 цагдаа ирсэн бөгөөд ямар нэгэн хүчирхийлэлд өртөхгүйн тулд байцаалтад явахыг зөвшөөрчээ. Өмнөх баривчлах оролдлогын үеэр түүний уулын энгэрт байрлах байшинг Ерөнхийлөгчийн хамгаалалтын алба, цөөн тооны цэргүүд хамгаалж баривчлах ажиллагаанд саад хийж байсан юм. Одоо түүнийг байцаах 48 цагийн хугацаа байгаа бөгөөд үүний дараа 20 хүртэл хоног баривчлах эсвэл суллах шийдвэр гаргах ёстой. Тус улсын парламент түүний бүрэн эрхийг 2024 оны арванхоёрдугаар сарын 14-нд түдгэлзүүлсэн ба Үндсэн хуулийн цэц уг импичментийг хэвээр үлдээж огцруулах эсвэл Ерөнхийлөгчийн бүрэн эрхийг сэргээх эсэхийг шийднэ.