Иргэн, аж ахуйн нэгж, байгууллагын ой, ан амьтан, ургамал, ойн нөөц ашигласны болон газрын төлбөрийн орлогыг хуулийн дагуу орон нутгийн төсөвт төвлөрүүлдэг.

2024 оны төсвийн жилд байгалийн нөөц ашигласны төлбөрийн орлого 283,994.0 сая төгрөг болж 2023 оны орлогоос 30,663.7 сая төгрөгөөр өсжээ. Энэхүү төлбөрийн орлогоос байгалийн орчныг хамгаалах, нөхөн сэргээх арга хэмжээний зардалд хуваарилан зарцуулах хуулийн заалттай.

Энэ дагуу Аймаг, нийслэл, сум, дүүргийн Засаг дарга, Төлөөлөгчдийн Хурлын 2024 онд баталсан шийдвэрээр Байгалийн нөөц ашигласны төлбөрийн тухай хуулийн 13 дугаар зүйлийн 13.4-т заасан байгаль орчныг хамгаалах, байгалийн нөөцийг нөхөн сэргээх арга хэмжээнд зарцуулах төсвийг 72,581.6 сая төгрөг баталсан нь 2021 оны дүнтэй харьцуулахад 4 дахин өссөн боловч 2024 оны жилийн эцсийн санхүүжилтийн гүйцэтгэлийн мэдээгээр 47,382.2 сая төгрөгийг зарцуулсан буюу журмын хэрэгжилт 64.3 хувьтай байна.

Байгалийн нөөц ашигласны төлбөрийн нийт орлогын

-Газрын төлбөр 162,295.7 сая төгрөг,

-Усны нөөцийн төлбөр 86,939.4 сая төгрөг,

-Ойн нөөцийн төлбөр 20,044.9 сая төгрөг,

-Амьтны нөөцийн төлбөр 14,350.3 сая төгрөг,

-Ургамлын нөөцийн төлбөрт 363.7 сая төгрөг тус тус бүрдүүлж байна.