CS2-ын хамгийн нэр хүндтэй лигийн тэмцээн болох $400,000 (1.3 тэрбум төгрөг) шагналын сантай  "ESL Pro League"-ийн 21 дэх удаагийн тэмцээн Швед Улсын Стокхольм хотод үргэлжилж байна.

Монголын "The MongolZ" тэмцээний хоёрдугаар шатанд шууд уригдсан бөгөөд өчигдөр /2025.03.08/ орой хоёр дахь тоглолтоо Европын холбооны "G2 Esports" багтай тоглож 2-1 (Ancient 9-13, Dust II 16-12, Mirage 13-10) харьцаагаар хожлоо. Тэд хоёр газар болох "Dust II"-т 11-2 хожигдож байсан ч улмаар гайхалтай эргэн ирэлтийг хийж нэмэлт тоглолтыг гаргаж сүүлийн мөчид Senzu гайхалтай тоглолтыг үзүүлснээр ялалт байгуулсан байна.

Манай залуус эхний тоглолтоо Европын холбооны "GamerLegion" багтай хийж 2-0 (Inferno 13-9, Mirage 16-14) харьцаагаар эхний хожлоо байгуулсан билээ. Улмаар тэд өнөөдөр /2025.03.09/ 20:00 цагаас Оросын "Team Spirit" багтай тоглоно. 

"ESL Pro League"-ийн эхний шатанд 16 баг оролцсоноос нь найм нь хоёрдугаар шатанд шалгарсан. Хоёрдугаар шатанд шууд уригдсан найман баг болон нэгдүгээр шатнаас шалгарсан найман багууд швейцар системээр тоглон түрүүлж гурав хожсон найм нь шигшээ шатанд шалгарах юм.

The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Бямбасүрэнгийн Гарьдмагнай /bLitz/, Мөнхболдын Содбаяр /Techno4K/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.