Сагсан бөмбөгийн 3x3 төрлийн Азийн аварга шалгаруулах тэмцээн энэ сарын 26-30-ны хооронд Сингапур улсад болно. Тус тэмцээнд 25 орны эрэгтэй, эмэгтэй баг тамирчид өрсөлдөх бөгөөд Монголын эрэгтэй, эмэгтэй шигшээ багууд өрсөлдөнө.

Монголын шигшээ багууд дэлхийн чансааны оноогоор үндсэн тэмцээний хэсгийн шатанд шууд уригдсан. Эрэгтэй баг А хэсэгт Сингапурын шигшээ багтай тоглоно. Хэсгийн гурав дахь баг нь урьдчилсан шатнаас тодрох юм. Багийн бүрэлдэхүүнд А.Ананд, Д.Дэлгэрням, Э.Дөлгөөн, Ц.Отгонжаргал нар тоглох юм.

Харин эмэгтэй баг B хэсэгт Тайландын шигшээ багтай тоглоно. Хэсгийн гурав дахь баг мөн урьдчилсан шатнаас тодорно. Багийн бүрэлдэхүүнд Б.Ариунцэцэг, Э.Нарангоо, М.Булбул, О.Хулан нар багтсан байна.