Хууль зүй, дотоод хэргийн яамны Төрийн нарийн бичгийн дарга Н.Мягмар Азийн про боно чуулга уулзалтыг санаачлагч “Babseacle” байгууллагыг үүсгэн байгуулагч, Ерөнхий захирал Брюс Ласки, Гүйцэтгэх захирал Вэнди Морриш нарыг өнөөдөр хүлээн авч уулзлаа.

Уулзалтаар Азийн про боно чуулга уулзалтын талаар мэдээлэл өгч, тус чуулга уулзалтыг зохион байгуулахад Хууль зүй, дотоод хэргийн яамнаас зүгээс хэрхэн хамтран ажиллах талаар санал солилцлоо.

Монголын Хуульчдын холбоо нь Азийн про боно 13 дахь чуулга уулзалтыг 2025 оны аравдугаар сарын 03-наас 05-ны өдрүүдэд Монгол Улсад зохион байгуулахаар бэлтгэл ажлыг хангаж буй юм.

Энэ хүрээнд Азийн про боно чуулга уулзалтыг санаачлагч “Babseacle” байгууллагын үүсгэн байгуулагч, Ерөнхий захирал Брюс Ласки, Гүйцэтгэх захирал Вэнди Морриш нар 2025 оны дөрөвдүгээр сарын 14-нөөс 20-ны өдрүүдэд манай улсад ажиллаж байна.