Монголын сагсан бөмбөгийн үндэсний дээд лигийн финалын тоглолтод “Хасын Хүлэгүүд” болон “Бишрэлт Металл” багууд шалгарсан. Хоёр багийн цувралын эхний тоглолт өчигдөр болсон. Энэ тоглолтод “Бишрэлт Металл” хожсон ч тус багийн тоглогч Девон Скотт спортын бус алдаа гаргасан билээ. Тэрээр тоглолтын нэгдүгээр үеийн төгсгөлд эсрэг багийн тоглогч А.Азбаярыг түлхэн унагаасан. Энэ үйлдлээс болж, Девон Скот талбайгаас хөөгдсөн бол А.Азбаяр тоглох боломжгүй болсон юм.

Өнөөдөр “Бишрэлт Металл” багийн Удирдах зөвлөлөөс шийдвэр гарч талбайд зүй бус үйлдэл гаргасан Девон Скотыг хоёр тоглолт өнжүүлэхөөр болжээ.

Харин Монголын сагсан бөмбөгийн холбооноос тус үйлд явдалд

1. Скотт он дуустал үндэсний дээд лигт тоглох боломжгүй болж 2 сая төгрөгөөр торгууллаа. Энэ цувралд огт тоглохооргүй боллоо.
2. А.Азбаяр бөмбөг шидсэн үйлдэлдээ 1 тоглолтод оролцохгүй байх, мөн 500 мянган төгрөгөөр торгууллаа.