The MongolZ өнөөдөр "IEM Melbourne 2025" тэмцээний А хэсгийн аваргын төлөө Европын холбооны "Mouz" багтай өнөөдөр буюу дөрөвдүгээр сарын 23-ны өдөр 15:00 цагт тоглоно.

Тодруулбал, $1,000,000 (3.5 тэрбум төгрөг) шагналын сантай "Intel Extreme Masters Melbourne 2025" дөрөвдүгээр сарын 21-27-ны хооронд Австралийн Мельбурн хотод дэлхийн шилдэг 16 баг оролцсо тэмцээн гурав дахь өдрөө үргэлжилж байна.

Valve-ын хоёрдугаар сарын 25-ны чансаагаар шууд уригдсан The MongolZ тэмцээний А хэсэгт багтсан бөгөөд эхний тоглолтод Хойд Америкийн "Complexity" багтай тоглож 2-1 (Anubis 11-13, Ancient 16-13, Inferno 13-10) харьцаагаар хожлоо. Харин дараагийн тоглолтод Европын холбооны "FaZe Clan" багтай (Dust 8-13, Ancient 13-16) харьцаагаар хожиж, шигшээ шатанд шалгарсан билээ.

Хэрвээ манай залуус өнөөдөр хийх "Mouz" багийг хожвол хасагдах шатны тэмцээнийг шилдэг дөрвөн багаас эхлэх бол харин хожигдвол шилдэг зургаан багаас эхэлнэ. Тус багтай өмнө нь Шанхай мажорт хоёр удаа таарч тоглохдоо нэг хожиж, нэг хожигдож байжээ.

Тэмцээний журмын тухайд багууд хоёр хэсэгт хуваагдан "double-elimination format" буюу нэг удаа хожигдох эрхтэйгээр тоглох бөгөөд хэсэг тус бүрээс гурван баг шигшээ шатанд шалгарна. Аваргын төлөөх тоглолт Bo5 журмаар болох ба бусад бүх тоглолт Bo3 журмаар явна.

The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Мөнхболдын Содбаяр /Techno4K/, Бямбасүрэнгийн Гарьдмагнай /bLitz/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.