Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн Ажлын алба, Тагнуулын ерөнхий газар хамтран Мансууруулах эм, сэтгэцэд нөлөөт бодисын хууль бус эргэлттэй тэмцэх үндэсний хорооны 2025 оны төлөвлөгөөний хэрэгжилтийг хангах ажлын хүрээнд “Мансууруулах эм, сэтгэцэд нөлөөт бодисыг цахим орчинд худалдан борлуулж байгаа гэмт үйлдлийг илрүүлэх, сүүлийн үеийн нөхцөл байдал, цаашдын чиг хандлага, анхаарах асуудал” сэдэвт сургалтыг зохион байгууллаа.

Сургалтаар Төв Азийн бүс нутгийн Мансууруулах эм, сэтгэцэд нөлөөт бодис, тэдгээрийн урвагч бодисуудын хууль бус эргэлттэй тэмцэх мэдээлэл, зохицуулалтын төвөөр дамжуулан Бүгд Найрамдах Казахстан Улсын Ерөнхий прокурорын байгууллагын дэргэдэх Хууль сахиулах байгууллагын академийн багш нарыг урьж оролцуулсан ба энэ үеэр мансууруулах эм, сэтгэцэд нөлөөт бодисын хууль бус эргэлттэй тэмцэх чиглэлээр авч хэрэгжүүлж буй арга хэмжээ, одоогийн нөхцөл байдлын талаар танилцуулга хийв.

Сургалтад мансууруулах эм, сэтгэцэд нөлөөт бодисын хууль бус эргэлттэй тэмцэх чиг үүрэг бүхий байгууллагын алба хаагчид хамрагдлаа.