Нийслэлийн төсвийн хөрөнгөөр хэрэгжүүлсэн Их Монгол Улсын гудамжны 2.1 км авто замын өргөтгөл шинэчлэлтийн ажлыг  хоёр  багцад хувааж, гүйцэтгэгч сонгон шалгаруулсан билээ.

Шалгаруулалтын үр дүнд нэгдүгээр багцид "Замын цагдаагийн баруун урд уулзвараас Их Монгол улсын гудамж,  Жапан таун хотхоны уулзвар хүртэлх авто зам" –ын барилгын ажлыг "Эрдэнэ зам"компани гүйцэтгэхээр болсон.

Харин  хоёрдугаар багц буюу "Их Монгол Улсын гудамж, Жапан таун хотхоны уулзвараас ураш Их тэнгэрийн ам хүртэлх авто замын барилгын ажлыг "Тотал Инж" компани гүйцэтгэгчээр шалгарсан юм.

Тухайн авто замын өргөтгөл шинэчлэлтийн ажлын хүрээнд 7 м өргөнтэй зорчих хэсгийг 14 м өргөнтэй дөрвөн эгнээ болгон өргөтгөж, явган хүний зам, дугуйн зам, гэрэлтүүлэг, борооны ус зайлуулах систем зэрэг ажлууд хийгдсэн бөгөөд зам барилгын ажил гэрээт хугацаандаа дууссан тухай Нийслэлийн Авто замын хөгжлийн газраас мэдээллээ.