АНУ-ын Ерөнхийлөгчийн сонгуульд Ардчилсан намаас нэр дэвшин өрсөлдөж буй Төрийн нарийн бичгийн дарга асан Хиллари Клинтон Францын Ерөнхийлөгч Франсуа Олландтай холын хамаатан гэнэ. Үүнийг  Францын угийн бичиг судлаач эрдэмтэн Жан Луйс Бесарнот гэгч судалгаагаараа нотолжээ.  Түүний хэлж буйгаар эдүгээ хоёр томоохон гүрний нөлөө бүхий улстөрчид болох Хиллари, Франсуа нар 14 дүгээр зууны үеийн “Азгүй заяат хаан удмынхан”-ы үр сад гэнэ.

Хиллари Клинтоны ургийн овог нь Родхам бөгөөд түүний өвөг эцэг нь Канадын Кэбэк мужиас гаралтай нэгэн байжээ.  Кэбэк мужид өнгөрсөн зуунд Францын 10 гаруй нутгаас хүмүүс цагаачлан ирж суурьшсан байдаг аж. Тэр дундаа хамгийн анхаарал татахуйц  нь Клинтоны 23 дугаар үеийн өвөг эцэг нь “зөрүүд” гэдгээрээ алдаршсан Францын аравдугаар Руй хаан байсан байх магадлалтай гэнэ. 

Тэрээр хаан сэнтийд залраад ердөө 18 сарын дараа нас барсан тухай түүхэнд тэмдэглэгджээ. Улмаар түүнийг тавдугаар Филипп хаан залгамжилсан байдаг. Харин одоогийн Францын төрийн тэргүүн Франсуа Олланд Филипп хаантай холын цусан төрлийн холбоотой бөгөөд эцсийн дүндээ Хиллари, Олланд нар цусан төрлийн холын хамаатнууд болж таарч буй гэнэ.